ITECH Marathi
जगभरातील बातम्या ,घडामोडींची माहिती देणारी आपली https://www.itechmarathi.com/ हि वेबसाईट काम करते .

Latest News of Jammu and Kashmir : बँकेत घुसून मॅनेजरची हत्या ,४८ तासात दुसरी घटना !

Latest News of Jammu and Kashmir
Latest News of Jammu and Kashmir

Latest News of Jammu and Kashmir: जम्मू-काश्मीरमध्ये टार्गेट किलिंगच्या घटना थांबण्याचे नाव घेत नाहीत. दहशतवाद्यांनी आता बँकेत घुसून मॅनेजर विजय कुमारची गोळ्या झाडून हत्या केली. हल्ल्यानंतर विजय कुमार यांना रुग्णालयात नेण्यात आले, मात्र वाटेतच त्यांचा मृत्यू झाला. मंगळवारीच कुलगाममध्येच दहशतवाद्यांनी सरकारी शाळेतील शिक्षिका रजनी बाला यांची गोळ्या झाडून हत्या केली. यापूर्वी बडगाममध्ये तहसील आवारात घुसून कर्मचारी राहुल भट यांची हत्या करण्यात आली होती. तेव्हापासून काश्मिरी पंडितांचे आंदोलन सुरू असून ते स्वत:ची सुरक्षा स्वत:ची व्यवस्था करण्याची मागणी करत आहेत.

5 महिन्यांतील ही 17 वी टार्गेट किलिंग

बँक मॅनेजरची अशा प्रकारे हत्या केल्यानंतर काश्मीर खोऱ्यातील स्थानिक हिंदू अल्पसंख्याक आणि स्थलांतरित लोकांमध्ये भीतीचे वातावरण वाढले आहे. या वर्षाच्या सुरुवातीपासून सातत्याने टार्गेट किलिंगच्या घटना समोर येत आहेत. एखाद्या नागरिकाची किंवा कर्मचाऱ्याची अशा प्रकारे हत्या झाल्याची गेल्या 5 महिन्यांतील ही 17वी घटना आहे. बुधवारीच जम्मू-काश्मीर प्रशासनाने हिंदू आणि शीखांना सुरक्षित ठिकाणी पोस्टिंग देण्याचे बोलले होते, मात्र आता या प्रकरणाने चिंता वाढवली आहे. वास्तविक, बँकेत घुसून खून करण्याच्या या प्रकारामुळे परप्रांतीय आणि अल्पसंख्याक कुठे सुरक्षित आहेत, असा प्रश्न निर्माण झाला आहे.

शुक्रवारी अमित शहांची बैठक होणार, मोठा निर्णय होऊ शकतो.

पोलीस अधिकाऱ्याने सांगितले की, ‘दहशतवादी स्थानिक देहाती बँकेच्या शाखेत घुसले आणि त्यांनी व्यवस्थापकाला गोळ्या घातल्या. या बँकेची शाखा आरे मोहनपोरा परिसरात आहे. मृत बँक व्यवस्थापक राजस्थानातील हनुमानगड जिल्ह्यातील आहे. परिसराची नाकेबंदी करण्यात आली आहे. पोलीस अधिकाऱ्याने सांगितले की विजय कुमारला गोळी लागल्याने रुग्णालयात नेत असताना वाटेतच त्याचा मृत्यू झाला. 3 जून रोजी दिल्लीत गृहमंत्री अमित शहा आणि एलजी मनोज सिन्हा यांची बैठक होणार आहे. या बैठकीत ते काश्मीरमधील टार्गेट किलिंगचा आढावा घेऊ शकतात. या बैठकीला राष्ट्रीय सुरक्षा सल्लागार अजित डोवाल आणि जम्मू-काश्मीरचे डीजीपी दिलबाग सिंह देखील उपस्थित राहू शकतात.

 

Leave A Reply

Your email address will not be published.

Best fitness apps for Android Shahu Maharaj Jayanti 2022: राजर्षी शाहू महाराज जयंती कधी आहे? त्यांच्या बद्दल माहीत नसणाऱ्या काही खास गोष्टी ! ITECH Marathi Shivlila Tai Patil: कोण आहेत ,युवा कीर्तनकार ‘शिवलीला ताई पाटील !
Best fitness apps for Android Shahu Maharaj Jayanti 2022: राजर्षी शाहू महाराज जयंती कधी आहे? त्यांच्या बद्दल माहीत नसणाऱ्या काही खास गोष्टी ! ITECH Marathi Shivlila Tai Patil: कोण आहेत ,युवा कीर्तनकार ‘शिवलीला ताई पाटील !