Latest Marathi News Headlines: मराठी बातम्या - लेटेस्टली covers Latest News, ताज्या बातम्या and Breaking events across the globe, providing information in Marathi on the topics including Sport, क्रीडा, Entertainment,Maharashtra, महाराष्ट्र, India, भारत and World News, Lifestyle, Technology, Automobile, Social and Human values.

अहमदनगर जिल्ह्यात नवीन शासकीय पशुवैद्यक पदवी महाविद्यालय

अहमदनगर जिल्ह्यात नवीन शासकीय पशुवैद्यक पदवी महाविद्यालय

पुणे, २० ऑक्टोबर २०२३: पशुपालनाला प्रोत्साहन मिळावे या उद्देशाने अहमदनगर जिल्ह्यात नवीन शासकीय पशुवैद्यक पदवी महाविद्यालय सुरू करण्याच्या निर्णयावर आज झालेल्या मंत्रिमंडळ बैठकीत शिक्कामोर्तब झाले. या महाविद्यालयासाठी सावळी विहिर खुर्द येथे सुमारे ७५ एकर जमिनीची व्यवस्था करण्यात आली आहे.

या महाविद्यालयासाठी शिक्षक संवर्गातील ९६ पदे व शिक्षकेत्तर संवर्गातील २७६ पदे निर्माण करण्यास मान्यता देण्यात आली आहे. तसेच मनुष्यबळ व कार्यालयीन खर्चासाठी रु. १०७.१९ कोटीच्या आवर्ती खर्चास तसेच बांधकामे व उपकरणे यासाठीच्या रु. ३८५.३९ कोटी अनावर्ती खर्चास मान्यता देण्यात आली आहे. अशा प्रकारे एकुण रु. ४९२ कोटीच्या प्रस्तावास मंत्रिमंडळाने मान्यता दिली.

पशुसंवर्धन मंत्री राधाकृष्ण विखे पाटील यांनी याबाबत माहिती दिली. त्यांनी सांगितले की, हा निर्णय पशुपालनाला प्रोत्साहन देण्यासाठी महत्त्वपूर्ण आहे. या महाविद्यालयामुळे शेतकरी, विद्यार्थी व पशुपालक यांना फायदा होईल.

विशेष म्हणजे, उत्तर महाराष्ट्रातील हे पहिले शासकीय पशुवैद्यक पदवी महाविद्यालय असेल. या महाविद्यालयामुळे उत्तर महाराष्ट्रातील पशुपालकांसाठी दर्जेदार पशुवैद्यकीय सेवा उपलब्ध होईल.

Join Buttons Join WhatsApp Group Join Telegram Channel
Leave A Reply

Your email address will not be published.