श्रावण महिना सामान्यपणे व्यतीत करणे चुकीचे ठरते. यात बदलाची, परिवर्तनाची झलक असते. याचा आपणही उपयोग करून घेतला पाहिजे. बदल हा निसर्गाचा नियम आहे. परिवर्तन हे शिव आहे. जुनाट विचार, चुका या विसरुन नाविन्याची कास धरून पुढे जायला हवे. नव्याने गोष्टींची सुरुवात करायला हवी. श्रावणाचा उत्साह, ऊर्जा मनाला रुंजी घालत नसल्यास अद्याप शिव खूप दूर आहेत, असे समजावे. शिवाप्रमाणे नकारात्मकता, निराशा, नैराश्य यांचे विष पिऊन सकारात्मकता, आनंद, सुख, समाधान, शांतता यांचे शाश्वत अमृत अनुभवण्याचा आणि वाटण्याचा प्रयत्न करावा. श्रावणाची गुणवैशिष्ट्ये अंगात भिनवण्याचा प्रयत्न करा. तरच शिवापर्यंत पोहोचण्याचा खडतर मार्ग सुकर होऊ शकतो.
श्रावण महिन्यातील निसर्गाचे वर्णन सांगा
श्रावणात निसर्ग आपल्या अनंत हातांनी सौंदर्याची मुक्तपणे उधळण करीत असतो. निसर्ग ऊन पावसाच्या खेळामुळे अवघ्या धरणीला आनंदाचे तसेच सुशोभितपणाचे वरदान देतो. अवघा निसर्ग टवटवीतपणात न्हाऊन निघालेला असतो. कृष्णवर्णीय मेघांनी गिरीमाथा झाकून गेलेला असतो व त्याचमुळे डोंगरमाथ्याने मंदिल धारण केल्याचा भास होतो
श्रावण महिना हा पवित्र महिन्यांपैकी एक आहे. या महिन्यात सण, व्रत समारंभांची रेलचेल असल्याने एकूण सारीकडे उत्साहाचे, जल्लोषाचे, आनंदाचे वातावरण असते.
श्रावण महिन्यातील पाऊस देखील काही विशेष असतो .याबद्दलच आज आपण संपूर्ण पोस्ट पाहणार आहोत .
श्रावण महिन्याची विविध रूपे
श्रावणाला हिंदीत सावन म्हणतात, संस्कृतमध्ये श्रावण आणि नभ असे कमीतकमी दोन शब्द आहेत.